GENERAL SANTOS CITY – Subli nga magpahigayon ug entrance examination ang Philippine Military Academy (PMA) karong Septembre 30 hangtud Oktobre 3, 2020.
Matud ni Willie Ramos, presidente sa PMA Parents Association sa Soccksargen region nga kadtong mga nag edad ug 18 anyos hangtud 21 anyos ang kwalipikado nga mukuha sa entrance examination.
Gikadugang pa ni Ramos nga sa adlaw sa eksaminasyon bitbiton lamang ang kopya sa medical certificate, birth certificate, form 137 ug 2 by 2 ID.
Ipahigayon ang examination sa General Santos City High School sa Calumpang.
Gikadugang usab ni Ramos nga kadtong buot mukuha ug exam nga gikan sa South Cotabato ug Sarangani Province ang ilang hatagan ug passes aron makaagi sa mga checkpoint.
Angayan usab sundon sa mga partisipante ang tanang health protocol nga gipatuman una musulod sa venue.
Una ng gibutyag nga sundon ang patakaran tungod 50% lamang ang makasulod sa venue nga ang exam ang matigayon sulod sa upat ka adlaw.
