Gibutyag ni Retired Judge Lorenzo Balo nga wala nay makapugong sa Sandiganbayan kon unsa ang mamahimong lakang niini, gumikan didto na i-file ang kasong plunder batok kang Senador Rodante Marcoleta ug sa uban pang giingong nalambigit sa kasong Plunder.
Matud ni Balo, ang sunod nga lakang anaa na sa Sandiganbayan sa higayon nga pormal nang maisumite ang kaso.
Sa laing bahin, giingon sa Office of the Ombudsman nga adunay lig-on nga basehan ang kasong plunder batok sa senador. Sumala sa Ombudsman, ang kantidad nga P75 milyon nga giingong nalambigit sa kaso mas dako kumpara sa P50 milyon nga minimum nga gikinahanglan aron mahimong plunder ubos sa balaod.
Sa pagkakaron, wala pa makahatag og opisyal nga pahayag ang kampo ni Marcoleta bahin sa maong isyu.
