-- ADVERTISEMENT --
Sugod sa Marso 16, 2026 ang Provincial Local Government Unit ( PLGU-SARANGANI) ang magpatuman na og upat ka adlaw nga ‘compressed work week’ alang sa mga buhatan niini.
Pinaagi sa gipirmahang Executive Order No. 08, ni Sarangani Governor Rogelio “Ruel” D. Pacquiao ipatuman ang maong kamanduan, sa bag-ong sistema sa trabaho nga magsugod alas 7:30 sa buntag hangtud alas 6:30 sa gabii, Lunes hangtud Huwebes.
Tumong sa maong kamanduan, ang isip pagsunod sa mando ni Pangulong Bongbong Marcos nga pagdaginot sa krudo ug enerhiya sa mga operasyon sa trabaho sa gobyerno.
Samtang ang mga frontline, emergency, ug mga mahinungdanong mga serbisyo ang magpabilin gihapon nga ‘fully operational’ aron nga mahatud ang angayang serbisyo sa mga Sarangans.
