GENERAL SANTOS CITY – Hingpit nang usa ka WiFi Zone ang Plaza ng Heneral Santos.
Kini human pormal nang gilusad kagahapong adlawa sa pagpanguna mismo ni Mayor Ronnel Rivera kauban ang representante gikan sa telecommunication company nga katambayayong sa lokal nga panggamhanan ning dakbayan alang sa maong inisyatibo.
Gikabutyag nga usa kini ka historical milestone alang sa dakbayan, human usab ang pagtaod ug libreng WiFi sa GenSan International Airport miaging tuig.
Nasayran nga ang Plaza Heneral Santos ang maoy labing unang public park sa tibuok nasud nga nagmuntar ug libreng public WiFi.
Kahibaluan nga gawas sa mga tawo nga gasuroy, sagad sa mga gapondo sa plaza mao ang mga magtutungha hilabi na sa kolehiyo ug high school hinungdan nga dakong tabang kini alang kanila, hilabi na sa pagresearch sa internet.
