Misang-at ang Office of the Ombudsman og sunodsunod nga mga reklamo batok sa pito ka mga associate justices sa Court of Appeals (CA) sa Korte Suprema, partikular na sa Judicial Integrity Board.
Ang reklamo nagkanayon nga ang CA wala mosunod sa balaod sa ilang desisyon sa pag-apela sa pipila nga gihatagan og preventive suspension sa Ombudsman.
Bisan nga certified true copy sa preventive suspension order ang iapil sa petition for certiorari, ang mga petitioners nisumite lang og mga photocopies. Bisan pa niini, matod nila nga ang CA midapig sa mga petitioner ug niluwat og temporary restraining order batok sa preventive suspension order sa Ombudsman.
Si Ombudsman Samuel Martires niinsistir, adunay grabeng kawalay kahibalo sa balaod ug paggawi nga makadaot sa kaayohan sa serbisyo sa bahin sa CA.
Ang nipasaka og mga reklamo mao sila si CA Associate Justices Louis Acosta, Marlene Gonzales-Sison, Rex Bernardo-Pascual, Mary Charlene Hernandez-Azura, Roberto Quiroz, Rafael Antonio Santos ug Ferdinand Baylon.
