GENERAL SANTOS CITY – Gikumpirma ni Pastor Elpie Miranda, secretary ug vice president sa Seventh Day Adventist Southern Mindanao Mission, nga daghan na sa ilang mga miyembro sa SDA nga nagpamiyembro sa KAPA, ang nagmatngon na ug nagdesisyon nga mubalik sa ilang simbahan.
Ug gani, nagpasalamat si Pastor Miranda sa Bombo Radyo sa walay puas nga pagsibya batok sa KAPA, hinungdan nga nakahigmata ang ilang mga miyembro.
Nasayran nga base sa kamanduan sa SDA, ang tanang mga miyembro nila nga miapil sa KAPA ang ma-censure kon dili tugutan nga makaapil o makpartisipar sa mga aktibidad sa ilang simbahan.
Samtang kon magmagahi pa gayud, i-disfellowship matud pa ang miyembro nga nagpasabot nga tangtangon na ang ilang pangalan isip miyembro sa SDA.
Apan sa karon, daghan na matud pa sa ilang mga miyembro nga nagkanayon ug gipasalig nga gi-withdraw na ang ilang salapi sa KAPA.
Si Pastor Elpie Miranda, secretary ug vice president sa Seventh Day Adventist Southern Mindanao Mission.
