Daghang mga nasud ang mideklarar sa nasudnong pagbangotan isip timaan sa pagbangotan sa pagtaliwan ni Pope Francis.
Ang yutang natawhan sa Santo Papa, ang Argentina, maoy unang mideklarar og nasudnong pagbangotan human sa iyang pagkamatay. Kini molungtad ug usa ka semana.
Gisundan kini sa ubang mga nasod sama sa silingang India ug Bangladesh, nga parehong mideklarar og tulo ka adlaw nga pagbangotan, Spain, Cuba, Lebanon, ug uban pa.
Kagahapon, gideklarar sa Pilipinas ang national mourning period nga molungtad hangtod sa lubong sa namatay nga Santo Papa sa Sabado, Abril 26, 2025.
Sa mga nasud nga nagdeklarar sa nasudnong pagbangotan, ang ilang mga nasudnong bandera ikayab sa half-mast.
Samtang, gikompirmar usab sa mga lider sa nagkalain-laing nasud ang ilang pagtambong sa lubong sa namatay nga Santo Papa sa St. Peter’s Square.
Naglakip kini sa Presidente sa US nga si Donald Trump, Prince William sa United Kingdom, Presidente sa France nga si Emmanuel Macron, German Chancellor Olaf Scholz, Presidente sa Brazil nga si Luiz Inácio Lula da Silva, Presidente sa Ukraine nga si Volodymyr Zelenskyy, Presidente sa Argentina nga si Javier Milei, Presidente sa Pilipinas nga si Ferdinand Marcos Jr, ug Presidente sa East Timor nga si José Ramos-Horta.
Mga pelikulang Pilipino Sa European Union, gikumpirma usab ni EU Commission President Ursula von der Leyen, Council President Antonio Costa, ug Parliament President Roberta Metsola.
