Gilatag sa Department of Education (DepEd) ang ilang ginahimong solusyon sa halapad nga classroom backlog, dungan sa pagsugod sa Sy 2025-2026.
Matod kang DepEd Assistant Secretary for Strategic Management Roger Masapol, ang kakulangon sa ihap sa mga classroom ang usa sa mga nag-unang problema sa DepEd hinungdan nga gipaningkamotan pagmaayo sa buhatan nga maresolba.
Lakip na ang pagpataas sa gigahin nga alokasyon sa voucher para sa matag mga service contracting private schools.
Kini aron matabangan ang mga private school nga ma-accommodate ang mas daghang estudyante og dili kaayo magdasok sa mga public schools.
Ikaduha mao ang pagpili sa mga bata nga ‘independent learners’ aron isulod sila sa distance o virtual learning.
Dinhi, medyo napagaan ang populasyon sa mga classroom samtang natutukan gihapon ang tanan sa mga estudyante sa ilang pagtuon.
Bisag nag-unang gamiton ang face-to-face class classes, makaangkon gihapon og blended learning sa pipila ka higayon.
Sa kasamtangan, muabot sa 165,000 ang classroom deficit sa tibuok nasod samtang nahimo lamang sa gobyerno nga magtukod og hangtod 1,500 classroom matab tuig tungod usab sa limitadong budget.
Una na usab nga gibutyag ni DepEd Secretary Sonny Angara nga sudlon sa gobiyerno ang Public-Private Partnerships (PPP) sa katuyoan nga matubag ang halapad nga backlog sa mga classroom sa tibuok nasod.
Ubos niini mao ang pribadong sector una ang magtukod og mga classroom og anam-anam kining bayaran sa gobiyerno sa Pilipinas sa sulod sa pipila ka tuig.
