Pipila ka residente sa Maitum, Sarangani, gipanghikling gumikan sa pagbaha

GENERAL SANTOS CITY – Gipanghikling ang pipila ka residente sa Maitum, Sarangani gumikan sa pagbaha nga nasinatian tungod sa walay puas nga pag-ulan.

Gumikan gihapon kini sa nasinatiang Low Pressure Area sa Mindanao nga maoy hinungdan sa mga pag-ulan nga nasinatian sa halos tanang lugar sa SOCCSKSARGEN area.

Sa pakighinabi sa Bombo Radyo GenSan kang PO2 Arthur Andrada, desk officer sa Maitum Municipal Police Station kagahapon sa hapon, hangtod sa tuhod na ang tubig sa Brgy Upo, Maitum.

Hinungdan nga gilayong milihok ang lokal nga panggamhanan katambayayong ang MDRRMC ug gi-rescue ang ilang residente, hilabi na ang mga nagpuyo duol sa mga sapa ug danger zones.