Nagsulat ang Philippine Private Hospital Association GenSan Chapter sa Philhealth aron nga masayran ang ilang record nganong wala nagsibo kalabutan sa mga balaydunon.
Matud pa ni Dr. Renato Diagan, presidente sa Philippine Private Hospital Association GenSan Chapter nga gumikan wala nagsibo daghan mga claims sa mga ospital ang wala nabayaran hangtud karon.
Kung ilang makit-an masayran kung unsa ang problema aron nga makurihian.
Samtang buot nila sayron kadtong ulahing nabayad sa Philhealth ngadto kanila nga mukabat sa P140 million.
Nasayran nga sa unang meeting tali sa Philhealth og mga ospital mipasalig ang maong ahensya sa gobyerno nga maghatag sa 70% sa ilang utang.
Kahibaluan nga sa unang gibutyag sa mga ospita nga mukabat sa P800 million ang utang sa Philhealth kanila kung asa daghang COVID claims ang wala pa nabayaran.
Makaduha na ka higayon nga nagmeeting ang Philhealth og mga ospital kalabutan niini og subli nga mipasalig nga sa Disyembre 15, 2021 mabayaran ang maong utang. Samtang nasabtan nila ang sitwasyon sa Philhealth nga kulang ang mga personahe.
