Pipila ka opisyal sa gobyerno, posibleng involved sa pagkawala sa kapin 100 ka mga sabungero

Gikumpirma sa Department of Justice (DOJ) nga adunay taas nga opisyal sa gobyerno nga posible nga nalambigit sa pagkawala sa mga sabungero

Sumala ni Justice Secretary Jesus Crispin Remulla, apil kini sa mga ibinutyag sa testigo nga nailhan sa alyas nga “Totoy”.

Apan iyang giklaro nga padayon pa kini nga giimbestigahan ug ginatunan og husto sa ilang ahensya.

Pahayag pa ni Remulla, dili kini basta-basta nga kaso lamang, kondili usa kini ka organisadong krimen.

Nahinumduman nga giingon ni alyas “Totoy” nga ang mga nawagtang nga mananabong gipatay ug gilubong sa daplin sa Taal Lake.

Dugang pa niya, dili lang kuno 34 ka mananabong ang nawagtang kundi kapin sa 100 na ang tibuok ihap.