GENERAL SANTOS CITY – Usa-unsa na nga nakasumite sa ilang kandidatura ang pipila ka mga miyembro sa pamilyang Pacquiao alang sa umaabot nga midterm elections sa Mayo 2019.
Kini human nga nagfile na sa iyang certificate of candidacy (COC) si GenSan ABC President Lorelie Pacquiao alang sa pagka-vice mayor sa siyudad.
Samtang ang iyang bana nga si City Councilor Bobby, manghod ni Sen. Manny Pacquiao, ang gilaumang muadto sa Kauluhan ning adlawa aron magsumite sa iyang COC isip number one nominee sa OFW Family Partylist.
Karong adlawa usab o kaha ugma, Miyerkules, ulahing adlaw sa filing sa COC gilaumang magsumite sa iyang kandidatura ang usa pa ka manghod sa senador nga si incumbent Sarangani Representative Ruel Pacquiao.
Samtang gipaabot usab nga magfile sa iyang COC ang pag-umangkon sa senador nga si Municipal Councilor Zyrex Pacquiao alang sa pagka-mayor sa Maasim, Sarangani Province.
