Daghang mga celebrity sa US ang miapil sa nagpadayon nga kalihukang protesta.
Ang “No Kings” nga mga protesta usa ka nagkadako nga kalihukan batok sa mga palisiya sa imigrasyon ni US President Donald Trump.
Lakip sa mga celebrity mao ang sikat nga TV host nga si Jimmy Kimmel, kinsa giubanan sa iyang mga ginikanan.
Sa social media account ni Kimmel, iyang gipahayag ang iyang pasalamat sa iyang mga ginikanan sa pagtudlo kaniya unsaon nga magmabination ngadto sa uban.
Samtang gi-post usab sa aktres nga si Kerry Washington sa iyang social media nga duna siyay gilakip nga “No Kings” sign.
Pipila sa mga celebrity nga miapil usab sa protesta mao ang mga artista nga sila Glenn Close, Natasha Rothwell, Mary Elizabeth Ellis ug Ayo Edebiri.
Ang protesta naatol sa adlawng natawhan ni Trump ug diin ang usa ka kontrobersyal nga parada sa militar gihimo sa Washington aron pagsaulog sa ika-250 nga anibersaryo sa Army..
