Nagpaabot sa ilang mga kasubo ang pipila ka mga artista og director sa pelikula human nga mabalitaan ang pagpanaw sa banggiitang aktres og singer nga si Nora Aunor.
Una niini ang gikonsidera nga grabeng karibal niini sa pelikula nga si Vilma Santos kung asa gipasalamatan niya si Nora tungod kay nakauban niini sa pelikulang “T-Bird at Ako” niadtong 1982.
Nahimong magkaribal ang mga fans nilang Santos og Aunor hinungdan nga namugna kaniadto ang ‘Vilmanians’ og ‘Noranians’.
Samtang gipaambit usab sa banggiitang aktres nga si Hilda Koronel nga plano pa unta nila nga maghimo og reunion movie.
Kahinumdoman nga kauban ni Koronel si Nora sa pelikulang “Gaano Kadalas ang Minsan” nga gipalabas kaniadtong 1982.
Samtang gipaambit usab ni Cherry Pie Picache ang hulagway sa aktres kung asa gipaabot niya ang pag-ampo.
Nakauban ni Picache ang actress sa pelikulang “Whistleblower” niadtong 2016.
Nagpagawas usab og tribute video ang Director’s Guild of the Philippines Inc. kung asa gidayeg nila ang kamaayo ni Aunor sa pag-arte.
Kahinumdoman nga gikumpirma sa anak niining si Kristoffer Ian De Leon og Lotlot de Leon ang pagpanaw sa ilang inahan kagabie, Abril 16.
