GENERAL SANTOS CITY – Temporaryo nga gisirad-an ang buhatan sa Gobernador sa Sarangani aron magpahigayon ug pag dis infect sa pipila ka buhatan sa katipolyo human gikataho nga nagpositibu sa coronavirus disease ang usa ka provincial board member.
Sukad kagahapong adlawa limitado na ang makaadto sa maong buhatan aron sa pagsiguro nga mahilayo sa unsa mang virus ang dapit samtang nagpahigayon ug contact tracing sa mga nakahimamat sa maong opisyal.
Naatul pa gayud nga daghan ang mga bisita nga misulod sa buhatan ni Governor Rogelio Pacquiao nga nagcourtesy call kaniya.
Miabut matud pa ang nahisgutang board member aron unta itaho ngadto sa Gobernador ang takda nga pag-abli sa Provincial Hospital nga nadeklara nga level 2 . Daghan matud pa ang nakamatikod nga gina ubo ang naasoy nga opisyal apan kasagaran kanila ang wala tagda ang pag-ubo sa opisyal.
Matud sa impormasyon nga nagpakuha pa ug hulagway ang nahisgutang opisyal kuyog sa pipila ka bisita kaubanm usab ang gobernador.
Paggawas matud pas a kapitolyo sa nahisgutang board memebr nakighimamat pa kini ug laing mga opisyal sa probinsya ug pagkagabii matud pa nagpa check-up ug didto nagpositibu matud pa sa covid 19.
