Gisuspinde sa Parañaque Integrated Terminal Exchange (PITX) ang pipila sa mga biyahe tungod sa Tropical Storm Aghon.
Sa usa ka advisory, gibutyag sa PITX nga ang mga gisuspindeng ruta ang paingon sa San Jose, Mindoro; Iloilo City; Tagbilaran; Maasin; Laoang; Masbate ug Lucena.
Apil ang biyahe paingon sa Guinayangan, Quezon ; Calauag, Quezon; Sta. Elena, Quezon ug San Andres, Quezon.
Gitambagan sa PITX ang mga pasahero nga makig-alayon sa bus operators alang sa rebooking.
Samtang, sumala kang Kolyn Calbasa, senior corporate affairs officer sa PITX, giabisuhan sa mga naka-assign nga representante sa bus companies ang mga pasahero kalabotan sa suspensiyon sa ilang biyahe pinaagi sa pagpadala ug text message.
Kahinumduman nga kaniadtong adlaw sa Sabado, unang nag-landfall ang Aghon sa Eastern Samar.
Nahimong hingpit nga bagyo kini samtang anaa sa Tayabas Bay kagahapon sa kaadlawon.
Gitaas usab ang Signal No. 3 kagabie sa Eastern section sa Quezon province, lakip ang Polillo Islands.
