GENERAL SANTOS CITY – Karon untang adlawa nakatakdang mugawas sa tambalanan kadtong piniriso nga gihunusan sa kinabuhi kini human maadmit sa Dr. George P. Royeca hospital human gidunggab ug kutsara sa kauban nga piniriso.
Kini human gidala sa tambalanan si Jeffrey Adrias 21 anyos nga taga Purok mauswagon, Labangal human makaangkon ug daghang samad dinunggaban.
Migawas sa imbestigasyon nga nadunggaban ang biktima human giitsahan niini ug iring ang kauban nga priso.
Natulog matud pa sulod sa selda ang wala gipanganlan nga piniriso dihang gikomedyahan sa biktima, gikasuko matud pa sa suspek dihang mitugpa ang iring sa iyang lawas.
Una nang gibutyag ni Dr. Barsanalina nga namatay si Adrias sa cadio pulmonary arrest kini tungod nasobrahan ug paka-on sa iyang kabanay nga nagbantay kaniya sa tambalanan.
Gitambagan matud pa sa mga doktor nga dili paka unon ug daghan ang pasyente apan wala matud pa kini natuman.
May kaso nga Robberry si Adrias hinungdan nga nadala kini sa City jail.
