GENERAL SANTOS CITY – Nagkaguliyang sulod sa selda human makaplagan ang wala nay panimuot ang usa ka piniriso human gilaslas ug blade ang iyang liog.
Sa impormasyon nga nakalap sa Bombo Radyo GenSan, gibutyag ni P/Lt. Col. Teody Condeza, tagapagsalita ng Sarangani Police Provincial Office (SPPO), sa tambalanan na matud pa nakabsan sa kinabuhi ang inmate nga si Islao Aragon, 52-anyos, residente sa Libi, Malapatan Sarangani Province.
Wala matud pa nakamatikod ang ubang piniriso sa Malapatan Police Station sa gihimo ni Aragon hinungdan nga nagkaguliyang dihang nakit-an nga nagkadugo na.
Nasayran nga nag-atubang ug kasong rape ang nagpakamtay nga inmate.
Gumikan sa nahitabo, mas gipahugtan sa naasoy’ng police station ang pagbisita sa mga pamilya sa mga binilanggo.
