Gawasnon na ang gikonsiderang pinakatigulang nga political prisoner sa nasud.
Sumala sa grupong KAPATID nga hilabihan ang ilang kalipay nga gibuhian na si Gerardo Dela Peña, 85 anyos gikan sa New Bilibid Prison sa Muntinlupa kaniadtong Hunyo 30.
Dugang pa ni KAPATID spokesperson Fides Lim, nga nakauban na ni Gerardo ang iyang asawa nga si Pilar nga nakauli sa ilang balay.
Kini usa ka kadaugan alang sa tawhanong katungod apan usa ka pahinumdom sa daghang mga babag nga atubangon sa pagpagawas sa mga political prisoners.
Si Dela Pena nasikop niadtong Marso 13, 2013 sa edad nga 75 sa Vinzon, Camarines Norte tungod sa giingong pagpatay sa iyang pag-umangkon nga iyang gihimakak.
Giangkon sa New People’s Army ang responsibilidad sa pagpatay apan gisentensiyahan gihapon si Dela Peña og 12 ka tuig nga pagkabilanggo.
Gibutyag pa sa KAPATID nga girekomenda na sa Bureau of Pardons and Parole niadtong Marso 8 nga ang desisyon kang Dela Peña na-commute na sa 12 ka tuig dugang pa dinhi ang good conduct time allowance nga iyang naipon.
Niadtong kini nabilanggo gihangyo sa Commission on Human Rights ug ubang mga grupo nga angayang buhian na siya tungod sa delikadong panglawas niini ug ang pag-angkon ug kahuyang sa panan-aw ug pandungog.
