Ang male water buffalo nga si King Kong ang gikonsidera karon nga “world’s tallest living water buffalo.”
Opisyal kining giila sa Guinness World Records (GWR) sa official website niini.
Makita si King Kong sa Ninlanee Farm sa Nakhon Ratchasima, Thailand.
May sukod nga 6 feet og 0.8 inch gikan sa iyang hoof hangtod sa iyang withers.
Kumpara sa mga ordinaryong buffalo, isi King Kong ang mas taas ug kapin 50 centimeters o 1.64 feet. Apan bisan pa sa kadako niini, buotan si King Kong. Mahilig usab siya nga maghumol sa tubig.
Makigdula usab siya sa mga tawo nga gaduol ug mugunit kaniya ilabina kung hungitan siya ug saging nga paborito niya nga kan-on.
Gihimugso si King Kong niadtong April 1, 2021 nga gipanag-iyahan sa nagpangalan og Suchart Booncharoen.
Kini ang rason hinungdan gipanganlan og King Kong nga gikan usab sa bida sa Hollywood movie kabahin sa higanteng gorilla.
Ang water buffalos ang may dakong importansiya sa kultura og kasaysayan sa Thailand.
Mahinongdanong bahin sila sa agrikultura og transportasyon sa maong nasud sa sulod na sa taas nga panahon.
