Ang giingong pinakadakong Philippine Offshore Gaming Operator (POGO) hub sa nasod, ang Island Cove sa Binakayan, Kawit Cavite, opisyal nga gisirhan.
Gipangunahan ni Interior Secretary Jonvic Remulla, Philippine National Police (PNP) Chief Gen. Rommel Marbil, Philippine Amusement and Gaming Corporation (PAGCOR) Chairman Alejandro Tengco, ug Presidential Anti-Organized Crime Commission (PAOCC) Director Gilbert Cruz misira sa maong POGO hub.
Lakip usab niini ang mga personnel gikan sa Department of Justice (DOJ), Bureau of Immigration (BI) ug lokal nga kagamhanan sa Cavite.
Gibuhat kini sa mga awtoridad bisan sa wala pa ang Disyembre 31 nga deadline alang sa hingpit nga pagsira sa tanang POGO sa nasud subay sa direktiba ni Presidente Ferdinand Marcos Jr.
Ang Island Cove una nang mihunong sa ilang operasyon niadtong Nobiyembre 30. Ang Island Cove adunay kinatibuk-ang 57 ka mga establisemento diin 32 niini ang mga dormitoryo sa ilang mga trabahante.
Matod ni Island Cove general manager Ron Lim, adunay mokabat sa 12,000 ka mga trabahanteng Pinoy samtang kapin sa 4,000 ka mga langyaw ang mawad-an. ilang trabaho tungod sa pagsira sa POGO hub.
