Opisyal na nga gilusad kagahapong adlawa ang giingong pinakaunang Pickleball Clinic sa tibuok Pilipinas nga eksklusibo alang sa mga senior citizen.
Ang maong inisyatibo gipasiugdahan ni Lone district Shirlyn Bañas-Nograles, kinsa mipahayag nga tumong sa programa ang paghatag og aktibong pamaagi sa pag-ehersisyo alang sa mga tigulang samtang naghatag usab kini og kahigayonan sa pakig-uban ug pagpalig-on sa ilang panglawas.
Sumala sa kongresista, dili gikan sa pondo sa gobyerno ang gigamit sa pagpatuman sa maong kalihokan kundili gikan mismo sa iyang personal nga pundo. Iyang gipatin-aw nga personal niyang adbokasiya ang pag-atiman sa senior citizens ug pagpalambo sa mga programa nga makahatag og kaayohan sa komunidad.
Dako ang kalipay sa mga senior citizen nga miapil sa launching, diin ilang gisulayan ang batakang teknik sa pickleball ubos sa giya sa mga trainor. Gilauman nga magpadayon ang maong programa ug mapalapad pa sa ubang barangay aron mas daghang ‘seniors’ ang makabenepisyo sa maong sports activity.
