-- ADVERTISEMENT --
Ipagawas ni Pope Leo ang iyang unang dokumento isip Santo Papa karong Oktubre 9, matod sa Vatican .
Ang dokumento, nailhan nga apostolic exhortation, pag-ulohan og “Dilexi te” (He loved you) ug pormal nga gipirmahan sa Santo Papa.
Sumala sa daghang mga opisyal sa Vatican, ang dokumento magpunting sa mga panginahanglanon sa mga kabus sa kalibutan.
Ang Vatican wala maghatag ug bisan unsang mga detalye bahin sa dokumento, apan ang titulo nagsugyot nga kini usa ka pagpadayon sa dokumento ni anhing Pope Francis, kansang katapusan nga mayor nga dokumento, usa ka encyclical, nga gipagawas kaniadtong Oktubre 2024, adunay parehas nga titulo, “Dilexit nos” (He loved us)
