Nitaliwan na ang pinaka una nga US black Republican congresswoman nga si Mia Love sa edad nga 49. Gikumpirma kini sa iyahang pamilya kinsa malinawong namatay sa iyang panimalay sa Saratoga Springs City sa Utah.
Ang iyang anak nga babaye, si Abigale, miingon nga dili na niya masagubang ang cancer sa utok.
Ang kongresista anak sa mga taga-Haiti nga mga imigrante ug nahimong kongresista sa Utah. Nagsugod ang iyang karera sa politika kaniadtong 2003 sa dihang nakadaog siya usa ka lingkuranan sa konseho sa lungsod sa Saratoga Springs ug sa edad nga 34 nahimong mayor.
Tuig 2014 napili siya sa US House of Representatives nga nahimong una nga black american nga babaye nga nagserbisyo sa duha ka termino.
Wala siya molampos sa pagdagan alang sa ikatulo nga termino pagkahuman gipildi ni Democrat Ben McAdams.
