GENERAL SANTOS CITY – Gikoral na sa contructor ang sentro nga bahin sa 6 lanes sa national highway kanto Buloang avenue timaan sa pagsugod sa Mabuhay under pass project.
Kini human gibutang sa sentro sa dalan ang mga heavy equipment nga gamiton sa pagtrabaho. Nagsugod na ug kotkot ang mga heavy equipment timaan sa pagsugod sa P650M nga mega project .
Gumikan sa pagbutang sa mga dagkong himan gihimong one way ang agi-anan pagawas sa syudad samtang mao usab ang mga sakyanan nga pasulod sa syudad.
Nagbutang usab ug mga personahe ang Traffic Management unit sa lugar aron makaabag sa mga biyahedor aron malikay sa pagdaghan sa mga sakyanan. Unang gibutyag sa Vicente Lao Construction nga kinahanglan nga koralon ang national highway aron may seguredad ang ilang mga trabahante lakip sa ilang mga ekipo.
Gipadali usab sa syudad ang pag-abli sa bag-ong tulay nga nagsumpay sa Yumang extentions sa Barangay City Heights ug PUrok Olaer Apopong aron mahimong sayon ang biyahe pasulod ug pagawas sa syudad.
