GENSAN –Gisiguro nga luwas ang mga Pilipino sa Indonesia human sa nahitabong kagubot atol sa protesta sa Jakarta. Walay napabalitang Pilipino nga nasamdan o naapektuhan sa kalihukan.
Sumala ni Mark Castro, Bombo International Correspondent nga nakabase sa maong lugar, nagsugod ang protesta tungod sa reklamo sa katawhan batok sa pagtaas sa sweldo ug allowance sa ilang mga congressman.
Daghang demonstrador ang midungag sa kadalanan aron ipadayag ang ilang pagbatok sa maong desisyon, hinungdan nga nahimong tensiyonado ang sitwasyon. Bisan pa man niini, nagpabiling luwas ang mga Pilipino nga nagpuyo ug nagtrabaho sa nasud.
Padayon usab nga gimonitor sa Philippine Embassy sa Jakarta ang kahimtang aron masiguro nga protektado ang kaluwasan sa mga kababayan nga anaa didto.
