Pilipinas wala gihapon matangtang sa listahan sa kaylap nga money laundering

Wala gihapon matangtang ang Pilipinas sa gray list, nga adunay mga problema sa money laundering, terorista ug proliferation financing.

Matud ni Financial Action Task Force (FATF) outgoing president T. Raja Kumar nga ikatulo na kini nga sunodsunod nga tuig nga naapil ang Pilipinas ug 20 ka ubang nasod.

Kaniadtong 2021 sa unang higayon nga masulod sa gray list ang Piliipnas.

Dugang pa niini nga hangtod karon wala pa masulbad sa nasud ang nasangpit nga problema.

Gidugang niini nga kinahanglang tukion dayon sa gobyerno ang pakigbatok sa problema sa anti-money laundering ug niadtong nagpundo sa terorismo.