Nagkasinabut na ang gobyerno sa Pilipinas ug China nga magtinabangay aron kapugngan ang tensyon sa West Philippine Sea.
Kini human nagtagbo ang duha ka nasud sa 9th meeting sa Bilateral Consultation Mechanism on the South China Sea kagahapong adlawa.
Ang meeting ang gitambungan ni Philippine Foreign Affairs Undersecretary Ma. Theresa Lazaro, ug Chinese Vice Foreign Minister Chen Xiaodong.
Prangka ang nahimong diskusyon sa duha ka Opisyal sa sitwasyon sa South China Sea sumala sa pahayag sa Department of Foreign Affairs. Gidiga ni Lazaro nga padayon nga protektahan sa Pilipinas ang katungod ug soberinya sa West Philippine Sea .
Pulos matud pa nasabutan sa duha ka Opisyal nga pugngan ang tensyon sa giilugan nga kadagatan ug respituhon ang matag usa nga posisyon dungan sa pagpirma sa kasabutan nga palambuon ang Philippines-China Maritime Communication Mechanisms ug giuyunan ang padayon nga panag estorya sa maritime cooperation.
Kahinumduman nga balik balik nga nagpadala ang Pilipinas ug note verbal ug diplomatic protests ug nanawagan sa China nga hunungon ang illegal nga pagsulod ug peligruso nga maneuvers sa West Philippine Sea apan padayon ang pagpang harash sa Beijing sa mga mananagat nga naa sa exclusive economic zone.
