Nanawagan ang Pilipinas alang sa usa ka malinawon ug diplomatikong solusyon sa nagpadayon nga krisis tungod sa mga tensyon sa Middle East.
Sa usa ka pahayag, gibutyag sa Department of Foreign Affairs (DFA) nga ang Pilipinas nabalaka pag-ayo sa mga kalamboan sa Middle East Region sa bag-ohay nga mga oras.
Kalabot niini, hugot nga giawhag sa nasud ang mga hingtungdan nga magsubay sa dalan sa diplomasya ug likayan ang dugang nga pagdako sa panagbangi nga naghulga sa kalinaw ug seguridad sa rehiyon.
Bisan pa niini, gipasalig sa ahensya nga padayong hatagan ug prayoridad sa gobyerno sa Pilipinas ang kaayohan ug kaluwasan sa mga Pilipino sa rehiyon.
Siya usab miingon nga ang mga embahada sa Pilipinas sa rehiyon andam nga mohatag og tukma nga tabang ngadto sa mga Pilipino ubos sa ilang hurisdiksyon.
