Gikinahanglan nga kinahanglang mag-import og dugang bugas ang Pilipinas . Mao kini ang gibutyag ni Presidente Ferdinand Marcos, Jr. tungod sa sunodsunod nga mga bagyo nga nisulod sa nasod ug nakaapekto sa sektor sa agrikultura.
Matod sa presidente nga base kini sa nadawat niyang report gikan sa Department of Agriculture (DA) sa wala pa ang situation briefing kalabot sa bagyong Pepito.
Ang Pilipinas mo-import og dul-an sa 4.5-million tons nga bugas sumala sa presidente, nga mas taas sa miaging tuig nga 3.9-million tons.
Apan sa iyang pamahayag, wa siya magdahom nga mosaka pa ang presyo bisan pa man og dugang bugas ang gi-import.
Matod pa nga walay kompetisyon tungod ang Pilipinas ra ang naigo sa sunodsunod nga mga bagyo dili sama niadtong nahitabo ang El Niño phenomenon nga nakaapekto sa halos tanang nasud sa Southeast Asia.
Sa wala pa si Pepito, ang ubang mga bagyo nga sunodsunod nga miigo sa Pilipinas, ilabi na sa Luzon areas, mao sila si Kristine, Leon, Marce, Nika ug Ofel.
