Usa ka dakong hagit ang atubangon sa Gilas Pilipinas Women’s National Basketball Team sa pagsugod na ang ilang kampanya sa 2025 FIBA Women’s Asia Cup karong adlawa Hulyo 14, sa Shenzhen, China.
Sa pagpanguna ni Kacey Dela Rosa, ang two-time UAAP MVP, ug ni Jack Animam, usa sa mga beterano sa team, musugod ang Gilas Women sa Division A sa ilang unang duwa batok sa World No. 2 Australia karong hapon sa alas-4:30.
Sunod nila nga kaatbang ang Japan sa Lunes, alas-7:30 sa gabii, ug Lebanon sa Miyerkules, ala-1:30 sa hapon, isip katapusang duwa sa group stage.
Target sa Gilas Women nga makuha ang slot padulong sa 2026 Women’s World Cup Qualifiers.
Sumala ni Samahang Basketbol ng Pilipinas (SBP) Executive Director Erika Dy, ang exposure nga ilang nakuha sa 2025 William Jones Cup usa ka dako nga tabang para sa team.
Lakip sa mga batang talento nga sakop sa lineup mao sila:
Cielo Pagdulagan – UAAP Season 87 Finals MVP ug Rookie of the Year
Kent Pastrana
Angel Surada
Louna Ozar
Yvette Villanueva
Samtang ang uban pang mga veterans sa team mao sila:
Vanessa de Jesus
Ella Fajardo
Khate Castillo
Naomi Pangabinan
Lakip ang bag-ong promising rookie nga si Sumayah Sugapong
Naglaum ang Gilas Women nga ilang mapakita ang determinasyon, teamwork, ug paningkamot aron makahatag og dungog sa Pilipinas sa internasyonal nga basketball.
