Tulo ka Philippine Emergency Medical Assistance Teams (PEMAT) ang andam mutabang sa post-earthquake response sa Myanmar ug Thailand.
Sumala pa ni Department of Health (DOH) Secretary Teodoro Herbosa, gimanduan na ang mga PEMAT sa pagpangandam alang sa deployment sa higayon nga makompleto na ang international coordination protocols sa mga apektadong nasud.
Ang tulo ka PEMAT kay gi-categorize sa Type 1 Fixed Emergency Medical Team (EMT) nga maoy mag-atiman sa mga pasyente nga adunay acute trauma ug non-trauma cases ug makahimo og referral.
Giila usab sa World Health Organization (WHO) ang PEMAT ug andam na kini alang sa international humanitarian deployment.
Kahibaluan nga usa ka magnitude 7.7 nga linog ang miigo ug nabati sa Myanmar ug Thailand sa miaging Marso 28 kung asa kapin sa 1,000 na ka tawo ang patay.
