Gipadayag sa Pilipinas ang lig-on nga suporta niini alang sa hingpit nga pagka-miyembro sa Timor-Leste sa Association of Southeast Asian Nations (ASEAN).
Gipahibalo ni incoming Department of Foreign Affairs (DFA) Secretary Theresa Lazaro ang padayon nga suporta sa Pilipinas sa paningkamot sa Timor-Leste nga mahimong full member sa ASEAN, atol sa miting sa mga lider sa 46th ASEAN Summit nga gihimo sa Kuala Lumpur, Malaysia.
Matod ni Lazaro, committed usab ang Pilipinas sa East Timor aron makatabang sa pagpasiugda ug pagpatuman sa ASEAN Community Vision 2045.
Niining tuiga sa ASEAN Summit, magpabilin gihapon nga observer ang Timor-Leste.
Gipahugtan sa Pilipinas ang suporta niini sa Timor-Leste duha ka bulan human motumaw ang tensyon tali sa duha ka nasud, tungod sa kawad-an sa aksyon sa Timor-Leste sa pag-extradite sa puganteng si kanhi Negros Oriental 3rd District Representative Arnolfo Teves Jr., nga gibatikos sa ubang opisyal sa Pilipinas.
Ang ASEAN gilangkuban sa napulo (10) ka mga nasud nga miyembro: Brunei, Cambodia, Indonesia, Laos, Malaysia, Myanmar, Philippines, Singapore, Thailand, ug Vietnam
Niadtong 2022, nagkauyon ang ASEAN “in principle” sa pagdawat sa Timor-Leste isip ika-11 nga miyembro ug gidawat usab ang roadmap para sa hingpit nga pagka-miyembro niini.
