Pilipinas dili na mag-angkat og poultry products gikan sa Argentina

Temporaryo nga gisuspenso sa Pilipinas ang importasyon sa mga langgam ug mga poultry products gikan sa Argentina.

Matod sa Department of Agriculture (DA), kini tungod sa hulga sa bird flu.

Ang pagdili naglakip sa poultry meat, piso, itlog, ug semilya alang sa artificial insemination.

Niadtong Agosto 20, 2025, gi-report sa Argentina sa World Organization for Animal Health ang outbreak sa bird flu sa ilang nasud.

Namatikdan kini sa pipila ka bahin sa Buenos Aires.