GENERAL SANTOS CITY – Gibutyag ni Nane Danlag, Science research assistant sa Philippine Institute of Volcanology and Seismology (PHIVOLCS) nga nakabase sa dakbayan sa Heneral Santos nga gi-monitor sa ilang ahensya ang katapad nga area sa Davao Region nga tinubdan karon sa mga paglinog.
Daghan ang nabalaka sa sunod-sunod nga pagtay-og sa Davao Occidental nga gapatay-og usab sa probinsya sa Sarangani, Gensan ug ubang parte sa Mindanao.
Gani, sa linog nga nahitabo atong niaging semana, Enero 21 sa gabii, nabatyagan pa kini sa pipila ka mga lugar sa isla sa Visayas, susama sa Samar ug Eastern Samar, dili lang sa Mindanao tungod sa gikusgon.
Segun ni Danlag, padayon pa kining gisubay sa PHIVOLCS.
Apan sa inisyal nilang pagtuon, naay mga offshore fault ang anaa ilalum sa kadagatan sa mga kasikbit lugar lahos na sa munisipyo sa Governor Generoso, Davao Oriental.
Ang Offshore Fault tungod extension kini sa mga fault line sa malang bahin ngadto sa kadagatan.
Gikonsidera ni PHIVOLCS Director Undersecretary Renato Solidum nga major earthquake ang mao nga pagtay-og sa may Jose Abad Santos, Davao Occidental tungod niabot kini og 7.1 magnitude.
Apan gumikan sa gilawmon sa tinubdan sa linog anaa sa 111 kilometers wala kini nakatala og dakong damyos.
