GENERAL SANTOS CITY – Sigurado na ang kadaugan sa Pilipinas sa men’s basketball sa Southeast Asian Games (SEA Games).
Matud pa ni FRed Lumba, basketball analyst sa syudad nga overkill ang mahitabo kung ang magdula sa Philippine Team kadtong mga players sa world cup.
Sa iyang pamahayag nga ang SEA Games ang labing ubos nga international competetion sa basketball.
Ang iyang rekomendasyon nga angayang ang mga batan-ong players sama nilang Kai Sotto, Thirdy Ravena, Kobe Paras, Cj Perez, Greg Slaugther, lakip na ang ubang mga players sa University Athletics Association of the Philippines (UAAP).
Kini aron may exposure na ang mga nasampit isip preparasyon sa 2023 FIBA World Cup.
Gikadugang pa niini nga bisag kinsa ang mga assistant coach mahimong coach sigurado na ang kadaugan kung asa dili na kinahanglan silang Yeng Guiao, Chot Reyes og uban pa.
Ang 2019 SEA Games ang magsugod sa November 30, 2019 hangtud sa December 11, 2019.
Iyang gibutyag nga kung kaya nga tambakan og 50 puntos ang kalaban angayang himoon aron ipakita nga ang Pilipinas gihapon ang hari sa SEA Games.
