Nitaho ang Philippine Navy nga wala silay natala nga kadaot o kaswalti human sa paglusad sa China og rocket launch.
Sa usa ka pahayag, ang army miingon nga ubos sa Western Naval Command, nagpahigayon dayon sila og close monitoring operations ug koordinasyon sa ubang partner agencies aron masiguro ug mapadayon ang situational awareness human sa paglusad sa Long March 12 rocket.
Kini tungod sa gipaabot nga pagkahulog sa pipila ka debris sa kadagatan sa Palawan gikan sa maong rocket.
Sa sayo pa, ang ubang naval surface ug air assets ingon man ang mga medical teams uban sa pakigtambayayong sa pipila ka disaster response personnel gi-alerto usab alang sa pagpatuman sa mga safety protocol.
Samtang, bisan pa sa kusog nga pagbuto nga nadungog sa Puerto Princesa area, walay gitaho nga nakitang mga butang niining bahina sa nasud.
Gipasalig sa Navy nga ang WNC nagpabilin sa heightened alert status aron masiguro ang kaluwasan sa publiko nga nagpuyo duol sa mga coastal areas.
Gipahinumdoman sa Philippine Navy ang publiko nga likayan ang pagdumala sa posibleng mga debris sa rocket ug ireport dayon ang bisan unsang debris nga makit-an sa mga awtoridad.
