Suportado sa Amerika ang paghimo sa balaud sa gobyerno sa Pilipinas sa Maritime Zones Act.
Kalabut kini sa usa ka statement, giawhag ni US State Department spokesperson Matthew Miller ang tanan nga nasud nga barugan ang international law partikular na sa disputed waters ug ibase ang ilang maritime claims sa 1982 UN Convention on the Law of the Sea (UNCLOS).
Matud pa sa US official nga nakahan-ay ang naasoy nga bag-ong balaud sa Philippine domestic laws kauban ang 1982 Law of the Sea Convention ug 2016 Arbitral Tribunal ruling.
Klaro usab nga gitombok niini ang territorial sea, exclusive economic zone ug uban pa nga maritime zones sa PH.
Gihatagan usab ug importansiya sa Amerika ang pagpanguna sa Pilipinas sa pagpalig-on sa international law partikular na sa giilugang sakop sa kadagatan nga apil sa West Philippine Sea.
Mahinumduman nga miaging adlaw gipirmahan ni Pangulong Ferdinand Marcos Jr. ang Philippine Maritime Zones Act sa pagpaningkamot nga mapakusog ang pag-angkon sa katungod sa atong nasud ug tulubagon sulod sa maritime zones.
