Nakit-ang patay ang usa ka Philippine eagle samtang anaa sa dagat nga sakop sa Ponson Island sa Pilar, Cebu.
Subay sa report sa Philippine Eagle Foundation (PEF), kini nga lalaki nga agila nga giila nga si “Uswag” ang posible napatay tungod sa pagkalumos.
Hulyo 31 dihang naglusad ang otoridad og search and recovery operation human nakit-an sa GPS readings sa maong adlaw nga anaa sa dagat si Uswag.
Tulo ka adlaw pa ang nakalabay dihang nakit-an ang lawas sa tulo ka tuig nga agila nga nagalutaw-lutaw sa dagat nga adunay debris pa sa seagrass og lumot.
Base sa pag-imbestiga sa veterinarians, posible nga upat ukon lima ka adlaw na nga napatay si Uswag una nakuha ang iyang lawas sa dagat.
“Sadly, perhaps because of the rains and winds brought about by the Southwest monsoon, eagle Uswag lost his flight bearings and got sucked in towards the sea,” sumala sa PEF.
Base sa X-ray plate, intact og walay senyales sa fracture ukon trauma ang tanan nga lawas sa agila og walay bala ukon air gun pellets sa iyang lawas.
Kahibaluan nga usa si Uswag sa duha ka Philippine Eagles nga gibuhian sa Leyte kaniadtong Hunyo 28 ilawom sa Species Reintroduction Project sa Department of Environment kag PEF.
Base pa sa report sa PEF, kini na ang ika-siyam nga dokumentado nga kaso nga naaksidente ang Philippine eagle sa dagat, apan pito sa ila ang nakaluwas.
Ginakonsidera ang agila nga critically endangered sa International Union for Conservation of Nature kung asa ginababana nga 400 pairs na lamang ang nabilin sa kalasangan.
