Gilauman sa PhilHealth nga makapagawas kini og mokabat sa P378 bilyon hangtod P400 bilyon alang sa health insurance benefits karong 2026.
Kini may kalabotan sa padayon nga pagpalapad sa healthcare coverage alang sa mga Pilipino ubos sa kasamtangang administrasyon.
Lakip niini ang dugang nga mga benepisyo alang sa mga miyembro nga padayon nga nagbayad sa ilang kontribusyon.
Sumala kang PhilHealth Acting Vice President for Corporate Affairs Mae Villa, dako ang nadugang sa mga benepisyo nga gihatag sa ahensya bisan wala mausab ang premium contribution rate.
Gilauman usab nga kini nga payout mahimong pinakadako nga rekord sa kasaysayan sa PhilHealth.
Kini misunod sa panawagan ni Executive Secretary Ralph Recto nga dugangan pa ang benepisyo sa mga miyembro nga kanunay nagbayad sa ilang kontribusyon aron mabati nila ang bili sa ilang gihatud nga bayranan matag tuig.
Gipahayag usab ni Villa nga base sa Universal Health Care Law, gipataas sa PhilHealth ang mga benepisyo og 30 porsyento niadtong 2024 ug dugangan pa og 50 porsyento niadtong 2025, nga miresulta sa kinatibuk-ang 95 porsyento nga pagtaas sa benepisyo.
