PH, walay bahad sa tsunami human ang 7.4 magnitude nga linog sa Chile – Phivolcs

Gipapha sa Phivolcs ang kabalaka sa publiko bahin sa tsunami nga posibleng hatod sa nasud sa 7.4 magnitude nga linog nga natala sa Chile.

Sumala sa ahensya, kapin 17,000 kilometers ang kalay-on sa Chile sa Pilipinas hinungdan imposibleng maapektuhan ang nasud sa pagtay-og ug tsunami.

Natala ang pagtay-og kaganihang bag-o mag-alas-10 sa buntag, oras sa Pilipinas.

Adunay kalawmon kini nga 170 kilometro og tectonic ang origin.

Natumbok ang epicenter sa Northern Chile.

Gisuta pa karon ang katibuk-an nga natalang damyos sa maong nasud.