Miubos pag-usab ang peso batok sa dolyar human miabot sa P59.22 kada $1 kagahapong adlawa Disyembre 9, 2025.
Kini ang pinakaubos nga lebel sa kasaysayan sa nasud, milabaw sa miaging rekord nga P59.17 niadtong Nobyembre 12, 2025.
Nagsugod ang tuig sa P55 kada $1 apan ang peso hinay-hinay nga mihuyang tungod sa taas nga inflation ug kusog nga dolyar.
Usa ka dakong hinungdan mao ang padayon nga taas nga interest rates sa US Federal Reserve, nga nagpalig-on sa dolyar ug nagbutang og pressure sa mga emerging markets.
Sumala sa Bangko Sentral ng Pilipinas, padayon nilang bantayan ang sitwasyon ug andam nga mointerbenir aron mapadayon ang kalig-on sa peso.
Ang pag-ubos sa peso hinungdan sa mas taas nga presyo sa mga imported nga produkto sama sa lana ug pagkaon, nga direktang makaapekto sa mga lungsuranon.
