Kusganong gipanghimakak sa Philippine Navy (PN) nga ang Chinese Navy ug China Coast Guard nipahigayon og maritime ug air patrols palibot sa Bajo de Masinloc (Scarborough Shoal) sa West Philippine Sea niadtong Sabado, Mayo 31.
Kini nunot sa report sa Chinese state media Global Times nga nagkanayon nga ang People’s Liberation Army-Southern Theater Command nagpahigayon og “combat readiness patrols” ug ang China Coast Guard nagpahigayon og “law enforcement patrols” sa palibot sa Bajo de Masinloc.
Matud kang PN Spokesperson for WPS Rear Admiral Roy Vincent Trinidad, walay nakita nga aktibidad ang ahensya ug ang Armed Forces of the Philippines (AFP) base sa ila monitoring sa 200-nautical miles exclusive economic zone (EEZ) .
Hinuon, gikompirmar sa PN ang presensya sa duha ka barko sa CCG ug unom ka maritime militia vessels sa Bajo de Masinloc.
Upat ka mga fishing boat gikan sa Vietnam ug tulo ka sakayan gikan sa Taiwan ang nakita usab sa lugar.
