Nakatakda na usab nga mo-import ug bugas ang Pilipinas sa umaabot nga mga tuig, nga naghimo sa nasud nga nagpabiling numero uno nga importer sa bugas sa tibuok kalibutan. Ang maong importasyon misentro sa epekto sa El Niño, La Niña, ug sa bag-ong mga bagyo nga nakaapekto sa lokal nga produksiyon.
Base sa pinakaulahing report gikan sa US Department of Agriculture (USDA), gibana-bana nga moabot sa 4.7 million metric tons (MT) ang importasyon sa bugas sa nasud sa tuig 2024.
Mas taas kini og 2.2% sa miaging banabana nga 4.6 million MT.
Sa 2025, ang importasyon sa bugas sa nasud gilauman nga mosaka ngadto sa 4.9 milyon MT tungod sa gamay nga ani sa mga lokal nga mag-uuma.
Ang bag-ong forecast sa USDA nahisubay sa mas taas nga forecast alang sa global nga pag-import sa bugas karong tuiga, nga gibase usab sa pagtaas sa panginahanglan sa bugas gikan sa Malaysia ug Nepal.
