-- ADVERTISEMENT --
Gipadayag ni HE Mardomel Celo Melicor ang Amasador sa Pilipinas sa Qatar ang lig-on ug lawom nga relasyon tali sa Pilipinas ug Qatar sa nagkalain-laing sektor sama sa pamatigayon, ekonomiya, transportasyon, ug kultura.
Sa iyang pakigpulong atol sa pagsaulog sa 127th Philippine Independence Day niadtong Miyerkules, si Melicor nipaabot usab sa padayon nga suporta sa Pilipinas alang sa multilateral nga mga paningkamot sa pagpatunhay sa kalinaw sa Gaza ug sa paspas nga paghatod sa humanitarian aid ngadto sa mga apektadong Palestinians.
Gipaambit usab niya nga sa miaging tuig gidugangan sa Pilipinas ang kontribusyon niini sa United Nations Relief and Works Agency for Palestine Refugees (UNRWA) isip timaan sa pakighiusa sa mga Palestinian.
