Nagpadayon ang 89 ka Filipino nga humanitarian rescue teams sa paghatag og tabang sa nagkalain-laing mga dapit sa Myanmar human sila niabot sa niaging mga adlaw aron motabang sa rescue efforts human sa magnitude 7.7 nga linog nga miigo sa nasud niadtong Marso 28.
Matod ni Office of the Civil Defense (OCD) Undersecretary Ariel Nepomuceno, ang rescue team sa PH maoy gitahasan sa pagpangita sa posibleng survivors sa 10-floor nga building nga Jade City Hotel sa Naypyidaw human nahugno ang unang duha ka andana niini nunot sa kusog nga linog.
Dugang pa niini nga ang rescue team adunay mga life detector ug nakahimo sa pag-detect sa mga heat signature sa lugar apan dili kini tawo. Matod niya nga ang contingent sa PH gikatakdang madestino sa ubang mga lugar sa Myanmar.
Sa pagkakaron, sumala ni USec. Nepomuceno wala gidestino ang PH contingent sa Mandalay nga duol sa epicenter sa linog ug diin 4 ka mga Pinoy ang gikataho nga missing. Gipasabot niini nga ang dugang.
Nepomuceno nga aduna usay gisunod nga protocol diin ang mga local rescuers sa Myanmar nadestino sa mga lugar sa Mandalay kauban ang mga rescuers gikan sa Russia ug China.
Kahinumduman nga una nang gikataho sa Department of Foreign Affairs (DFA) nga ang upat ka mga Pinoy nga pulos mga magtutudlo ug nagpuyo sa nahugno nga Sky Villa condominium nagpabiling wala makita.
Samtang, ang humanitarian team magapabilin sa Myanmar hangtod Abril 12 2025
