Mipahigayon sa ilang 2025 Youth Leaders’ Summit ang PH Air Force pinaagi sa Air Mobility Command (AMC) niini sa pakigtambayayong sa Civil Military Operations Group sa Brigadier General Benito N Ebuen Air Base sa Dakbayan sa Lapu-Lapu niadtong Mayo 30 hangtod Hunyo 1 ning kasamtangang tuig.
Kun diin ang tulo ka adlaw nga kalihokan kay kabahin sa pre-anniversary activities sa Hukbong Himpapawid nga personal nga gitambongan sa Commanding General sa PH Air Force nga si Lt Gen Arthur M Cordura PAF nga nagsilbing Guest of Honor.
Ang kalihokan kay nag-agak sa temang “Youth Air Warriors A.R.I.S.E. (Advancing with Focus, Resilience, Integrity, Stewardship, and Empowerment) for the Nation’s Future” nga nagtapok sa mga youth leaders gikan sa mga nagkadaiyang orgaisasyon ug ROTC units sa tibuok Kabisay-an.
Na-featured sa maogn kalihokan ang serye sa mga leadership talks ug mga strategic discussions kabahin sa nasudnong seguridad ug military air power.
Gipakita sab sa PH Air Force ang kamahinungdanon nga papel sa mga kabatan-onan kabahin sa maritime domain awareness sa teritoryo sa Pilipinas, internal peace ug pagsuroy niini sa mga training facilities ug operational capabilities sa mga misyon sa Air Force.
Gitapos kini sa usa ka reflective program nga naglakip sa mga testimonials sa mga delegado ug mga miyembro sa Supreme Student Council Society of the Philippines ug uban pa.
Ang kalihokan kay pagpangandam sa ika-78 nga anibersaryo sa PH Air Force sa padayong pagprotektar niini sa kahanginan sa soberanyas sa nasud nga Pilipinas.
