Aduna nay katakos ang Pilipinas nga madetect ang dark vessels o mga barko nga nagapatay sa ilang automatic identification system sa sulod sa territorial waters sa nasud gamit ang satellite tracking system sa Canada.
Matud ni PCG spokesperson for the West Philippine Sea Commodore Jay Tarriela, bag-uhay lang gigamit sa Pilipinas ang “Dark Vessel Technology” sa Canada dihang ma-track niini ang China Coast Guard 5901 vessel o gitawag nga Monster ship nga 12,000 tonelada ang kabug-at sa sulod sa napulo ka adlaw.
Base usab ni Dr. Chester Cabalza, director ug founder sa International Development and Security Cooperation, ang “state-of-the-art” tracking system sa Canada usa ka teknolohiya nga dakong butang kini para sa nasud aron himuong advance ang deterrence capability niini nga dili mudepende sa foreign private sector data nga ‘prone’ matud pa sa misinterpretation.
Gibutyag usab ni Colin Townson, outgoing head for Political and Public Affairs sa Embassy of Canada to the Philippines, nga suportado sa Canada ang Pilipinas taliwala sa tensiyon sa giilogang kadagatan.
Sama sa Amerika, ang Canada committed usab sa pagsiguro sa kagawasan sa paglayag ug rules-based order sa Indo-Pacific region.
