GENERAL SANTOS CITY – Hulaton sa kapulisan nga mugawas ang authopsy report gikan sa Scene of the Crime Operatives (SOCO) nga nagresponde sa pagpatay sa mag-amahan human nga pugsanong gisulod sa upat ka mga wala mailhing lalake ang ilang panimalay.
Matud pa ni PMaj. Ananias Vasquez, ang hepe sa Makar Police Station nga ilaha nang gisuta ang background sa mga biktima nga si Fred Takuling Mamalo 60 anyos, usa ka manghihilot og anak niining si Alenor Mansola Amel 26 anyos, driver, mga residente sa Purok 11 Lanton, Apopong ning syudad.
Gibutyag ni Vasquez nga may motibo na silang ginasundan nga magtudlo kung kinsa ang mga responsable sa krimen.
Pasado alas 8:00 sa buntag kagahapong adlawa dihang kalit nga miabot ang mga suspek og gisulod ang balay sa mag-amahan ug walay puas nga gipamusil.
