GENERAL SANTOS CITY – Bugtong ang pamilya sa biktima nga si Jonar Luyang ang makahatag ug katin-awan sa mga pangutana kalabut sa background sa biktima kung nganong nakaabot dinhi sa dakbayan luyo nga taga Barangay Cayapunga, Jose Abad Santos ang panimalay sa nahisgutan.
Matud ni Police Capt. Joseph Letigio, labaw sa Makar Police Station nga miaging adlaw pa nila gipaabut ang pagtungha sa asawa sa biktima aron ilang mapanguta.
Gikadugang ni Capt. Letigio nga adunay paryente si Luyang sa Barangay Mabuhay apan wala sila masayod nga miari sa dakbayan ang biktima luyo nga magpahibalo matud pa kini kung mubisita sa Gensan.
Una nga gilantaw sa kapulisan nga personal grudge o isyu sa yuta ang hinungdan sa pagpusil patay sa nahisgutan.
Gani nailhan lamang kini tungod sa rehistro sa motorsiklo nga maneho sa biktima.
Matud sa Opisyal nga kung mupakita sa presento ang misis sa biktima posible matubag ang mga pangutana human gikaingon nga usa ka Pastopr ug Barangay Kagawad ang biktima sa ilang lugar.
Gituhu-an usab nga duha ang mipusil sa biktima tungod duha ka matang sa basyo ang nakuha didto sa crinescene.
Una ng gibutyag nga naglalis matud pa ang biktima ug ang suspek ug pagkahuman nadunggan ang mga buto sa pusil ug dayon may motor nga mipahilayo sa lugar.
